Comment Pantaguel a trouvez ses haults faictz escripts dans un livre de la librairie de Sainct Victor.

 

            Adoncques Pantagruel print sans ses compaignons le chemin de la magnificque librairie de Sainct Victor, dont jadis tant s’estoit esbaudi. Onquel lieu admira force livres sur beaulx et graves subjects, desquels voicy la description :

 

Pro vino, viro, vitioque

Σωφροσύνη ἐς κόρακαςcum texto latino 

De vesperis et verpis

De adventuris ventris

Les trois enfanz du Sainct Pere

Martialis Epigrammaton Libri

L’evesque et sa clergesse favorite, chronicque

Arte delle carezze, illustrata 

Utrum mens an mentula praesit rebus humanis

Comoedia irrumatoris irruptiopus in quinque partes divisum

Enfin un compte tresmoral sur une fille, sa grant mère et un oyson, ainsi titulé :

De puella quae amabit anum fessam cujus cucus concors plenus pennis erat.

 

Il estudioit ces sçavants ouvrages, maintefoiz annotez par les moines avant de s’aller couchier, quand aperceut quelqu’un en vulgaire langaige qu’onques leu n’avoit. Moult fust esbahi du titre dudict livre : Faictz et prouesses du tresrenommé Pantagruel, composez par l’illustrissime et divinissime François Rabelais.

Quoy voyant, tonna incontinent d’une voix courrroucez : « Qu’est-ce que ce rien-ne-vault veult dire par ce ? Aultre père n’ay que Gargantua, filz de Grandgousier, victor maximus de Picrochole, et un barbouilleur de papier m’engendrez prétend avoir ? Moy, pareilles coquecigrues cuider ? Que nenni, à Dieu ne plaise, sus à ce couillaud d’imposteur ! ».

Si est-ce qu’il continuoit tournant les pages de l’in-folio et en perdoit ses espritz, tant de ses exploicts la pourtraicture estoit parfaicte. Toute sa vie estoit racontez par le menu, depuis avoir voulu eschapper de son berceau, en passant par sa rencontre avecque Panurge, lequel toutes langues parloit, jusques à la maladie pour l’amour de qui peu s’en fallust qu’il ne crevast mort. Fasché de cette conformité, luy de rageusement deschicqueter un chapitre. Ce que faisant poussa tout soudain des cris espouvantables, ayant commencé estre pris d’horrificques douleurs, comme si un copieux morceau de luy on eust arraché. « Ventre-Goy, pourra-ce estre que j’existe dedans ce livre ? » à soy dict, entrant en grande resverie. 

 

 

Nicolas Fréry (2016)